كلمات قصيدة تاه الفكر
تاه الفكر والراي مني تاهي
لمن أكصَدوا حضرة رسول اللَّهِ
تاه الفكر والراي لمن ساروا
خلوني هايم للمدينة أنداروا
وصلوا ارض طيبة ومحمد زاروا
زاروا رسول الله عظيم الجاهي
زاروا رسول الله عظيم الشاني
شموا ضريح المصطفى العدناني
ياحسرتي وياخيبتي حرماني
تالله ماضلي صبر تاااللهِ
تالله ماضلي صبر شاتأنه
الراح زار المصطفى واتهنة
كضيت كل ليل الطويل بونةَّ
والآه تبجي لو نطقة بأاهي
والآه تطلع من صميم كليبي
والعشق غير البهذلة شيجيبي
ترضى ياطه بلوعتي وتعذيبي
ماهي عوايدكم هاجرنا ماهي
ماهي عوايدكم ياخير الناسي
تجفون خادمكم بظرف القاسي
خير الخلائق نعلوا فوك الراسي
تاجٍ وظل طول العمر متباهي
تاجٍ على روس الخلائق كلها
احمد حبيباً بالهوى شاغلها
يوم القيامة واكف بأولها
يشكف ويدافع فنتبه يالاهي
إرسال تعليق